بقعة ضوء

تسليط الضو على أفكار كنا ننزعج منها .. وفجاة وقت صارت حركة تهدف لتغيير هالافكار صارت الأفكار لا تزعجنا
يعني
… ما أكثر البرامج الساخرة من وضعنا الاجتماعي والسياسي والحياتي الذي نعيشة
من نحن وأطافيل
تفرجنا على يوميات مدير عام يللي عم يصور الفساد بطريقة هزلية ساخرة
وتابعنا مرايا من اول جزء لآخر جزء .. وبعد منو بقعة ضوء يللي بدي مع مرايا وكمل بعد ما وقف مرايا
وما صفي حدا ما تابع ضيعة ضايعة يللي هو عم يصور وضعنا تماما بشكل ابسط واقل تعقيدا ، بس نفس الاسقاط من أكبر الأشياء إلى أصغرها واتفهها
ليش الكل دون استثناء ما كان ينتقد هالمواضيع يللي نطرحت؟؟ ليش الكل كان موافق عليها .. بضحكة لا تخلو من الغصة والحرقة؟؟
هلا وقت انتفضو العالم بدن يغير النظام يللي كل المسلسلات الساخرة كانت عم تنتقدو بكل مافيه لانو كل مافيه هو تراكم أخطاء وفساد دامت ما يقارب النصف قرن!
صار العالم ضد؟؟ صار الوضع بيجنن وسوريا بخير؟؟ أي خير عم تحكو عنو؟؟
وين كان الخير وقت كنا عم نتفرج على هيك مسلسلات وكل ما ينفتح موضوع أول تعليق تركا لربك مو طالع بالإيد شي؟؟ واذا غمقو العالم أكتر وأكتر بيصير الخوف من الروحة على بيت الخالة ولكان منعرف شو يعني بيت خالتي!!
يعني ما بدك تخرب البلد .. مفكرها عمرانة؟؟
كل هالقصص التي لا تعد ولا تحصى عن تراجع البلد والفساد اللي فيها و ما بدك ياها تخرب؟
ليش شو صفيان لتخرب؟ ما كل شي صاير مخربها
ان شاء الله فكرك انو أذا ضل معلمك بشار بتضل بلدك عمرانة؟؟
واذا ما سقط -الله لا يقدر وان شاء الله بيسقط- هو ونظامو بترجع البلد بخير؟؟
والله ليرجع عهد حافظ على ألعن وادق رقبة
يعني حاج خوف
ولإيمت؟؟
عالقليلة خلي الواحد عندو جراة يقول بدنا نغير
بدنا نطلع من هالعيشة يللي الله يجعلا عيشة
شو جاييك من هالعيشة؟
اذا ما سرقت وما رتشيت ما بتعيش
واذا ما كولكت وما مسحت جوخ كمان ما بتعييش
وتطول القائمة..
حاج نفاق وكزب على حالنا
كنا مع هالمسلسلات لانو عم تطرح الواقع وتفشلنا خلقنا
اي منضل على هالحالة؟؟ بس نفش خلقنا وواقعنا ما زال مستمر؟؟
بدها القصة تعب
بدها وقت
بس مافي شي بيجي بالساهل هيك من دون تعب
بدنا ننتقد لنغير
مو بس لنفش خلقنا وراحت ورحنا

.