15 اذار -2011 ياترى مين فيكون بيعرف شو بيعني هل اليوم لما صارت الدنيا تحب اللون الاحمر وهل اللون بلش يصبغ وطنا ودنيتنا هل اليوم يلي برهن للعالم انو الجيل يلي كان عم يراهن عنو انو جيل التشات والفيس بوك والفزلكة برهن هل الجيل وبعد مضي 6 شهور و9 تيام ومدري كم ساعة ومامنعرف ايمتى رح نوصل!! قدر هل الجيل يبرهن انو هو مو مفزلك وهو ذكي ورح يوصل لوين مابدو بس عندو ضريبة صغيرة يمكن تكون روحو ويمكن غيابو لمكان مامنعرف شو هو ولا وين !!
من حمزة لزينب ليمنى لوليد لهاجر لهيا لندى لنور وغيرون كتير للاسف من الاطفال لاتستغربوا عم احكي عن اطفال اي اي اطفال ماحكيت عن الكبار لسى اطفال لك اي 12 -13 سنة واقل اطفال ماعرفوا من قبل غير اللعب والضحك لك كنا نحنا الكبار نحسدون ونقول ايمتى بدنا نرجع اطفال ونصير متلون
وفي علا الجبلاوي ياترى مين هي علا؟؟؟علا 4 شهور تصورواعلا 4شهور لك اي انا ماعم زت حكي 4 شهور يا 6 مابعرف بالضبط المهم الطفلة الرضيعة قدرت تشارك بدمها لنعيش وليعيش ابني وابنك وشوفوا معي هل البنوت يلي قدرت من قبل ماتفهم شو يعني حرية علمت كل بني ادم بهل لعالم شو يعني حرية وشو يعني تحدي لك تحدت الكل من قبل ماتوعى ونجحت بمرتبة من مراتب الشرف يلي بحسدها وبتمنى كون عندي ارواح بعدد كل شهيد مات لموت فدا الو لانو هو احسن مني ومن كتير غيري قدم روحو لنعيش بجيل جديد وبحياة بسميها جديدة كانوا هالاء رح نخلق لك كنت بتمنى يكون عندي دم بكل قطرة نزلت من جريح نزل دمي بدالو فدا الو وهو ماينآزى ولا حتى بوردة واكيد مافينا ننسى حمودة حبيب قلبي وسامر ونادر وعامر وعاصم وسنا ووفا وعمرو وماجد… وغيرون كتير كتير كتير كتير وان بضل بقول كتير من هون لبعد سنة مارح انتهي منن حر هالاء وهو برا ومنن بمكان لسى مامنعرف شو هو لا وين عم يناموا لا وين عم ياكلوا لا شو عم ياكلوا تعبانين؟ عم ينزفوا !!! ياترى ايمت رح نفرح فيون ويصيروا برا؟؟ كمان مامنعرف
عبالي ابكي بس للاسف دموعي خانتني ماعم ترضى تنزل بيجوز لانو حتى البكي مابيوفيون حقون لهدول الناس هنن كتير احسن مني هنن نالوا شرف اانا بحلم كل عمري نولو بس للاسف ظروف مجتمعنا السوري كانت كلنا بيعرفها كيف رضعنا من الصغر !!!!!!!!!!!
معلمتي يلي صرتي معلمتي بدون ما استئذنك رح اوعدك واوعد كل شريف متلك قدر يعمل اي شي انو حاول كون جسركون وكون ارضكون
ورح ابدى من اليوم يكرا احلى تعلمت انو بكرا احلى بس ماكنت صدق هل الشي معلمتي طبعا برجع بذكر انو ساويتها معلمتي بدون حتى ما اسئلها عم كرر لانو انا نفسي مستغرب من حالي ومستغرب منها كيف قدرت تعلمني قبل حتى ماتعرفني بس تعلمت منها اكتر وطول مابقدر رح اتعلم اكتر واكتر قالتلي بكرا احلى وانا وانت منقدر نعمل سئلت حالي ياترى هي عم تحكي من عندا عم تجاملني بس فكرت شو الها مصلحة تجاملني هي عم تشتغل لقديستنا سورية كلنا منحب سورية سورية يلي كبرتنا واستوعبتنا وحويت حلونا ومرنا ودموعنا وفرحنا وضحكتنا وشوقنا واجازتنا وسفرنا اتحدى اي واحد من ولاد البلد مالها فضل عليه سورية الحلو فيها بتاحد ومابتعطي بتقدم بدون مقابل سورية مابتمل ولا بتكل لتشوفنا فرحانين صح هي عم تنزف هالاء بس كل ماعم تنزف عم تزيد قوة سورية عندها ارواح مابتنتهى وبتتمنى لو كانت بتقدر تفدينا بروحها بس عقولة معلمتي انو هو تمن ورح ندفعو بنسب متفاوتة انا بدي اشتغل وانت لازم تشتغل باي شي باي حرف باي كلمة باي عمل شو ماكان يكون انا وانت وهو وهي وهداك وهاد وفلان والكل لك اذا طفلة رضيعة عملت يلي ما انعمل عيب على انسانيتنا وانا نويت وانت لازم تنوي وانت وهو وهي وكلنا واحد كان من يلي هالاء مامنعرف وينون قلي الشي الحلو انو بعد 15 اذار كتير ناس صارت تحب بعضها وصارت ايد وحدة وماعملت حساب لشي بس بيطلع معنا اكتر واكتر واكتر مسلم ومسيحي وسني وكل طوائف بلدنا نحنا بلد الطوائف مو بلد طائفي مو متل مابدون يانا نصير نحنا احلى شعب ورح نضل
احي درس هندسة رفيقو مسيحي ضلوا للسنة التالتة مايعرف بهاد الشي بالصدفة مرة شاف ساعتو عليها صليب لعرفو انو مسيحي
وهاد دليل انو نحنا هل الاشيا مامنوقف عندها نحنا شعب فهيم وواعي واد حالوا وان شاء الله رح نصير ونكبر ونقوى ورح نبني بلدنا سوا حجر بحجر
ورح نتغسل بدم يلي راحو ليطهرنا من كل وجع ومن كل الم
ويلي مامنعرف وينون الله يرجعون سالمين غانمين لاهلون الحمدلله عكل حال بحمد الله عكل مصيبة حتى بالرغم من كل شي صار
انو قدرنا نلغي تنظير كتير من الجيل السابق لما يعدوا وينظروا علينا جيلنا وجيلكون
جيلكون وجيلنا وانتوا وانتوا
وضلوا 40 سنة قانون مرور ماقدروا يغيروا وكم طفل عملوا يلي وصلنا الو لهالاء
رح اذكر قصة واكيد كل حدن فينا عندو هل لمحبة
من كم يوم كنت بسوبر ماركت بمكان خارج سورية واول مرة بفوتو لهل المحل مرقت بالسيارة بالصدفة من هنيك ونزلت بدي جيب مي لاشرب سبحان الله ولقيت انينة بقين!!!
والله صرت احكي مع حالي والمحل فيو عالم ومعبى انو شبو هاد المجنون واحكي وحكيت حسيت الانينة سورية وعم حاكيها والله مابينوصف الشعور تذكرت لما كنا نطلع نشرب من مضايا قبل مانبلش بالفتلة بالسوق
تذكرت الولاد الصغار يلي ان شاء الله بيقبروا قلبي كيف عم يغيروا التاريح بهل الايام ولهالاء هنن ملائكتنا وكل مين تسبب بقتلون هو صدقوني رح يتعزب عاجلا غير اجل كيف وشلون هي شغلات ربانية ومامنقدر الا نسلم فيها
بتمنى من الكل يلي رح يقرى كلامي يحسو ويحس انو لازم يبدى ان كان بادي الله يجزي عن كل سوري الفرح والامان والمحبة
وان ماكان مبلش بقلو الله يوفقك بلش كيف ماكان المهم بلش الله يوفقك بلش بلش سوريا قدمتلنا كتير ومع انو عم تنزف ماطلبت مننا بس نحنا نعتبرها امنا ونشتغل معها عل الاساس ببوس ايدك ان مابلشت بلش باي شي شو ماكان ووالله بكرا احلى
سامحوني طولت ……….
————————
بقلم: بحبك يا بلدي
