RaNa Omeira
———————–
وصلنا عقب أذان الظهر وقفنا في زاوية الطريق مقابل المسجد
فالشبيحة منعنونا الوصول إليه
كانا حوالي ال30 فتاة في هذه الزاوية
بدأ الشبيحة يجتمعون حولنا ويريدون تفريقنا
عزمنا على البقاء معاً .. نبقى معاً أو ننصرف معاً فرجال الأمن جبناء خونة قد يستضعفوننا إن تفرقنا
علت أصواتهم يدّعون الخوف علينا
اللي مالا شغل تتيسر.. أيه كلنا إلنا شغل هون
انا سوري ومعروف ومابدي إلا مصلحتكون .. أيه وأنا سورية ومعروفة وبعرف مصلحتي
نحنا خايفين عليكون مشان هيك بدنا تروحو.. خايفين علينا؟عملو دائرة حوالينا حمونا
روحو هلق بيصير مشاكل.. ليه ليصير مشاكل؟ سوريا بخير والحمدلله
الله ياخدكون انتو اللي خربتو البلد.. الله ياخدكون انتو ماحدا خاربا غيركون
أنا اخوكون النقيب فلان الفلاني من مخفر العمارة.. شكراً بس ما بيهمنا
تاعمى فعيونكون! لابتعرفو ولا بيعرفكون شو جايبكون تشيعوا؟؟ .. أنت شو اللي جايبك؟!
هاد اللي بينكتب معي الباقي بلشو يخبصو بالحكي سبونا وسبو أبونا وجدنا وجد جدنا كمان وما حدا من العيلة نفد من لسانون
طبعا وكل وحدة هيه نجمة عيلتا بتاكل القسم الأوفر من المسبات.. شي منفهمو وشي ما منفهمو .. شي منعرفو وشي مامنعرفو
المهم
طلع النعش من المسجدملفوف بالعلم الاحمر يرفعه المشيعون وعلا التكبير إجينا لنلحقون ماخلّون
لفينا من حارة لحارة لحارة لحارة ونحنا عم نكبّر حتى وصلنا لتربة الدحداح حيث الدفن
شرحو المكان مليء بالشبيحة الأشرار
قررنا نطلع من المكان او نوقف على جنب .. طبعا النعش كان بسيارة طالع منها صوت قرآن بعد ما فرقوا المشيعين بالقوة واجبروهم على وضع النعش بالسيارة
ونحنا واقفين بامان الله مامنشوفون إلا مسكو شب سطحوا بالأرض ونزلو فيه بالعصي!!
يخرب بيتكون شو عمللكون!!!!
ركضت رفيقتي وحامت للشب وبديت تترجاهون يتركوه
وبديو العالم يتجمعو حوالييون وعليت الصوات والولاويل ومن جهة تانية عليت الصوات تركو النسوان !!
أنا ورفيقتي التانية كنا بعاد شوي قطعنا الشارع لعندون ومنهون لوصلنا كانت إمرأة مسكت الشب وبقيت ماسكتوا ماعم تقبل تتركوه لحتا يتركوه تاخدو معها
والشبيحة عم يفرقو باقي البنات تنين من الشبيحة كانوا عم يدفشو رفيقتي نحنا وصلنا لعندا لما ضربا بالرشاش على كوعا وظهرا
إجا التاني وضرب رفقاتي التنتين بالهراوات على رجليون وانا عم بسحبون .. الله يكسر إيديه ورجليه
طلعنا من المكان وهنن عم يسبونا بكل الكلمات اللي بيعرفوها
يارب دعوة المظلوم مجابة.. يارب مو تنتقم لإلنا.. تنتقم لحرماتك اللي انتهكوها
يارب تعجل بالفرج وبسقوط هالنظام اللي سمحلون يشبحوا علينا بهل الوقاحة
طلعنا من المكان أول شي ساكتين وقلوبنا عم تدق بسرعة الخدود مليانة دموع
و النفوس كظيمة
