سيدي الرئيس بشار الاسد..
رح غمض عيوني و أتخيل أنو أنت و أنا قاعدين سوا بجلسة صفا..نتناقش و نتناصح و نتعاتب و العتب صابون القلوب و لأنو أنا مالي بقلبك وما بعرف على ايش بتحب نحكي او على ايش ممكن تعاتبني رح ابدا انا. و على قولة أبو صياح “خدلك سيكارة يا خال و قعود لنتفاهم”.
أنا و الله أعلم اني لحد هلق و رغم كل اللي صار لساتني شايلتلك زاوية صغيرة بقلبي. يعني كل اللي صار و اللي لسة رح يصير عم بحطو برقبة الشبيحة…ماهر (أخوك)…الفرقة الرابعة ….المجندين الجهلة اللي عم يتصرفوا من عقلن….و المرتزقة اللي مين ما تجوز أمو بيصير عمو.
يعني فعلا متل ما بيقولو عم بعطيك the benefit of doubt و عم بقول لحالي لهلق ما ثبت على رئيسنا شي مباشر. أنو صحيح كل اللي عم يصير بدولتك و أنت راعي و كل راعي مسؤول عن رعيتو (نحن السوريين رعيتك). كلنا عم نقول لحالنا انو بشار دكتور و شكلو كتير طيوب….أكيد هو ما بيرضيه اللي عم بصير…أكيد هو يا أما ما عم يصلو من اللي عم يصير لانو اللي حواليه متحكمين بالريموت كنترول أو أنو هو انبح صوتو و هو يقول “بيكفي تقتلو شعبي…التظاهر السلمي أنا بقبل فيه!!”.
بس أنا مو مشان هيك طرقت المشوار لقصرك و جبت مية واسطة و تقاتلت مع ميت عنصر حراسة و تخطيت ميت حاجز لحتى أقابلك…أنا جيت و بإيدي وردة و بقلبي شعاع أمل و على لساني اقتراح. و الله هي نصيحة من بنت سورية متواضعة …و لا تزعل مني بس ليش ما بتتنحى؟ مو لانو نحن شاكين بضلوعك بالمؤامرة على الشعب السوري معاذ الله و لا لانو ما منحبك…يعني انا لحالي بعرف اكتر من 15 شخص و شخصة لسة بيحبوك (هنن كانوا اكتر بالاول) بس قصدي انو بيحبوووووووك..تخيل قديش رح تكبر بعينن و قديش رح يبكوا عليك و قديش رح تطلعلك مسيرات وداعية باكية لو انك تنازلت عن السلطة؟ يعني انا لو محلك و الناس عم تقلل احترامي و تشق صوري و مو مقدرة قيمتي بترك و بمشي! شو الله جابرك تتحمل رزالتن؟ يمكن نندم بعدين و نطالب بعودتك؟ يمكن كتير ناس يتركوا البلد و يستخدموا الغرين كاردز و يروحوا عأميركا (رأس المؤامرة على دولة الممانعة) و يمكن نضل سنين نشتغل على بلد جديد من بعدك بس و الله رح يضل الشعب السوري مقدرلك ياها.
رح يضل الشعب السوري يقول نحن رئسنا غير…رئيسنا قرر يحقن الدماء و يضحي بمركزو مشاننا…رئيسنا قرر يحرم شبيحتو (الخارجين عن سيطرتو) من فرصة تخريب البلد….رئيسنا قرر يلحق الكذاب لورا البابا و يشوف اش رح يطلع منها. رئيسنا طلع بيحبنا أكتر من الكرسي و قرر يعتزل. و صدقني الشعب السوري كتيييييير قلبو طيب و رح يسامحك بالتدريج يعني مو هلق هلق….الدم بدو سنين لتشربو الارض و يطالع شجر ورد…. بس بيجي يوم ونحن قلبنا طيب و قوام مننسى (على قولة أكبر ممثل).
اسمع من هالدقن و الله بتطلع بأقل الخسائر.
هل رح توصلك رسالتي؟ و اذا وصلتك هل رح تقراها؟ و اذا قريتا هل رح ترد علي؟
أنا أشك بس قلت بعمل اللي علي و ربي يسر!
رح غمض عيوني و أتخيل أنو أنت و أنا قاعدين سوا بجلسة صفا..نتناقش و نتناصح و نتعاتب و العتب صابون القلوب و لأنو أنا مالي بقلبك وما بعرف على ايش بتحب نحكي او على ايش ممكن تعاتبني رح ابدا انا. و على قولة أبو صياح “خدلك سيكارة يا خال و قعود لنتفاهم”.
أنا و الله أعلم اني لحد هلق و رغم كل اللي صار لساتني شايلتلك زاوية صغيرة بقلبي. يعني كل اللي صار و اللي لسة رح يصير عم بحطو برقبة الشبيحة…ماهر (أخوك)…الفرقة الرابعة ….المجندين الجهلة اللي عم يتصرفوا من عقلن….و المرتزقة اللي مين ما تجوز أمو بيصير عمو.
يعني فعلا متل ما بيقولو عم بعطيك the benefit of doubt و عم بقول لحالي لهلق ما ثبت على رئيسنا شي مباشر. أنو صحيح كل اللي عم يصير بدولتك و أنت راعي و كل راعي مسؤول عن رعيتو (نحن السوريين رعيتك). كلنا عم نقول لحالنا انو بشار دكتور و شكلو كتير طيوب….أكيد هو ما بيرضيه اللي عم بصير…أكيد هو يا أما ما عم يصلو من اللي عم يصير لانو اللي حواليه متحكمين بالريموت كنترول أو أنو هو انبح صوتو و هو يقول “بيكفي تقتلو شعبي…التظاهر السلمي أنا بقبل فيه!!”.
بس أنا مو مشان هيك طرقت المشوار لقصرك و جبت مية واسطة و تقاتلت مع ميت عنصر حراسة و تخطيت ميت حاجز لحتى أقابلك…أنا جيت و بإيدي وردة و بقلبي شعاع أمل و على لساني اقتراح. و الله هي نصيحة من بنت سورية متواضعة …و لا تزعل مني بس ليش ما بتتنحى؟ مو لانو نحن شاكين بضلوعك بالمؤامرة على الشعب السوري معاذ الله و لا لانو ما منحبك…يعني انا لحالي بعرف اكتر من 15 شخص و شخصة لسة بيحبوك (هنن كانوا اكتر بالاول) بس قصدي انو بيحبوووووووك..تخيل قديش رح تكبر بعينن و قديش رح يبكوا عليك و قديش رح تطلعلك مسيرات وداعية باكية لو انك تنازلت عن السلطة؟ يعني انا لو محلك و الناس عم تقلل احترامي و تشق صوري و مو مقدرة قيمتي بترك و بمشي! شو الله جابرك تتحمل رزالتن؟ يمكن نندم بعدين و نطالب بعودتك؟ يمكن كتير ناس يتركوا البلد و يستخدموا الغرين كاردز و يروحوا عأميركا (رأس المؤامرة على دولة الممانعة) و يمكن نضل سنين نشتغل على بلد جديد من بعدك بس و الله رح يضل الشعب السوري مقدرلك ياها.
رح يضل الشعب السوري يقول نحن رئسنا غير…رئيسنا قرر يحقن الدماء و يضحي بمركزو مشاننا…رئيسنا قرر يحرم شبيحتو (الخارجين عن سيطرتو) من فرصة تخريب البلد….رئيسنا قرر يلحق الكذاب لورا البابا و يشوف اش رح يطلع منها. رئيسنا طلع بيحبنا أكتر من الكرسي و قرر يعتزل. و صدقني الشعب السوري كتيييييير قلبو طيب و رح يسامحك بالتدريج يعني مو هلق هلق….الدم بدو سنين لتشربو الارض و يطالع شجر ورد…. بس بيجي يوم ونحن قلبنا طيب و قوام مننسى (على قولة أكبر ممثل).
اسمع من هالدقن و الله بتطلع بأقل الخسائر.
هل رح توصلك رسالتي؟ و اذا وصلتك هل رح تقراها؟ و اذا قريتا هل رح ترد علي؟
أنا أشك بس قلت بعمل اللي علي و ربي يسر!
by: RamaPanorama
