دون زيادة أو نقصان، حوارين كنت حاضراً حين دار كل منهما..
الحوار الأول:
ـ بدك تثور على النظام يلي خلاك تفوت مدرسة يا جحش
ـ……..
ـ لك فوق ما خلوك تدرس بجامعة حكومية، عن جد أنك جحش
ـ …….
ـ والله والله لندعسكون بالصرامي يا صراصير
ـ …….
تنويه: رغم وعيه التام “لفضل” الدولة عليه أشير إلى أن المتحدث هنا لم ينل علامات كافية بالبكالوريا، وقام بعدها بدراسة الطب في جامعة بإحدى دول أوربا الشرقية.
الحوار الثاني:
ـ مدير قسم أبحاث في أحد المشافي: سمعت أنه ف.هـ قرر يترك القسم؟ بده يترك كل الطب والعمل بالأبحاث، قال قرر يصير أستاذ مدرسة!!
ـ أحد الزملاء: إيه سمعت، حاولت احكي معه بس مصر.
ـ المدير: حاولت قدمله حلول تانية، ممكن ياخد إجازة بدون راتب سنة ليقرر شو بده، بنتعاقد مع حدا مكانه خلالها، حقه.
ـ الزميل: هو رافض قطعاً، بالزور قبل أنه يخلص البحث يلي عم يشتغل عليه، حرام يروح كل هالسنين عالفاضي.
ـ المدير: يعني أنا ما حبيت قله لأنه هي حياته بالنهاية ومن حقه يختار شو يعمل فيها، بس أنه كمان عليه واجب تجاه المجتمع، بالنهاية درس 10 سنين لاختص طب و4 سنين عم يعمل دكتوراة. (بعرف قلت بدون زيادة أو نقصان بس ما فيني ما نوه كمان إلى أنه قال المجتمع وليس الحكومة)
ـ الزميل:مظبوط، بس متل ما قلت حقه يختار، مشان هيك نحن دولة ديمقراطية.
الحوار الأول:
ـ بدك تثور على النظام يلي خلاك تفوت مدرسة يا جحش
ـ……..
ـ لك فوق ما خلوك تدرس بجامعة حكومية، عن جد أنك جحش
ـ …….
ـ والله والله لندعسكون بالصرامي يا صراصير
ـ …….
تنويه: رغم وعيه التام “لفضل” الدولة عليه أشير إلى أن المتحدث هنا لم ينل علامات كافية بالبكالوريا، وقام بعدها بدراسة الطب في جامعة بإحدى دول أوربا الشرقية.
الحوار الثاني:
ـ مدير قسم أبحاث في أحد المشافي: سمعت أنه ف.هـ قرر يترك القسم؟ بده يترك كل الطب والعمل بالأبحاث، قال قرر يصير أستاذ مدرسة!!
ـ أحد الزملاء: إيه سمعت، حاولت احكي معه بس مصر.
ـ المدير: حاولت قدمله حلول تانية، ممكن ياخد إجازة بدون راتب سنة ليقرر شو بده، بنتعاقد مع حدا مكانه خلالها، حقه.
ـ الزميل: هو رافض قطعاً، بالزور قبل أنه يخلص البحث يلي عم يشتغل عليه، حرام يروح كل هالسنين عالفاضي.
ـ المدير: يعني أنا ما حبيت قله لأنه هي حياته بالنهاية ومن حقه يختار شو يعمل فيها، بس أنه كمان عليه واجب تجاه المجتمع، بالنهاية درس 10 سنين لاختص طب و4 سنين عم يعمل دكتوراة. (بعرف قلت بدون زيادة أو نقصان بس ما فيني ما نوه كمان إلى أنه قال المجتمع وليس الحكومة)
ـ الزميل:مظبوط، بس متل ما قلت حقه يختار، مشان هيك نحن دولة ديمقراطية.
يا ترى أنا بحاجة قلكم كل حديث عن أي بلد عم يحكي؟ ……..ما بعتقد !!
.
