شهر آذار

الخوف … بيقطع الجوف
و ضربة الكلمة … أقوى من الكفوف
و بما أنو انكسر عند الشعب حاجز الخوف
فلازم الحكى يصير عالمكشوف
و الرد يكون مو برصاص و كلاشنكوف
المهم و بعد مهزلة المستشارة
يلي نقلت كلام الفارة …
الشعب ضل مكمل..
و القصة قصة حق.. يعني مو جآرة
طبعا و بما أنو الكذب فنون
و الحاكم … يا أما أجدب يا أما مجنون ..
نطلنا عالشاشة المفتي حسون
و بلش يحيي أهل درعا و اللادقية ..
و رجع حكى عن المؤامرة الكونية
لأ و شو … بكل عين وقحة وقوية !!!
و من كتر ما انفعل ..
و شكلو كان مزروك
و فصلت الطاسة عندو ..
و صار الفيوز مفكوك
فاكتشف أنو الفتنة كلا من الفيس بوك
يعني لو تعرف كم مسبة بوقتا سفقوك
و ما خلو على أمك و أبوك …
و هون.. فينا نقول
إجا ليكحلها ..قام عماها
إجا ليداريها.. قام بكاها …
و بعدا يا سادة يا كرام …
مسحت دموعا الياسمينة الحرة
و بعتت للشهدا عبقها و عطرا …
و قالتلو للمفتي يللي اسمو حسون
منتحاسب أنت و دكتور العيون ….

بقلم: وئام عيسى

لمتابعة الحلقات السابقة من حكواتي الثورة <هنـــا>