مرحباااااا
أهلاااان لك شلونك وين غاطط يا منظوم ماعد شفناك
والله بهالدنيي
لك شو هالستاتوس الجديد اللي حاطو, بعتلك مبارح مسج لأسالك عنو.
شبو ؟؟
أنو شو هي يعني خلصت؟
الله يسامحك, شو مانك عايش بالبلد ما عم تسمع الاخبار؟؟ لك خلللللصت
اي عايش بالبلد بس شوهي اللي خلصت
لك المؤامرة على سوريا خلصت يا حوبة !!!!!
بربك؟؟!! يسعدني ربك على هالخبرية, لك و الله من الاول عرفان هالكلاب ما بيطلعلون
معنا…. لك الله حيووو أبو البييييش
اي و الله, لك هي سوريا الأسد هني قدها!!!!
بس دخلك, مبارح كان أبي عم يتفرج على الجزيرة وكانو عم يحكو على مظاهرات بحماة و شي سبعين تمانين بني ادم انقتلو؟؟
اي و الكلاب قتلوا عناصر امن و شنقوا واحد منن, الله يرحمن
الله يرحم شهداء الامن و الجيش
اي يعني اسمحلي مع الاحترام للسيد الوالد لازم تحكي معو كلمتين
بخصوص شو؟
انو هالقنوات اللي عم تنشر الكذب بلاها, يعني شو هي الخنزيرة و العبرية وبي بي سي و بطيخ مبسمر, اخي بهالمحنة لازم كلنا نتكاتف مع بعض, شو ما عاجبتو الاخبارية و الدنيا؟؟؟
معك حق, انا هيك رأيي كمان بس شو بدك تعمل, أخي الوالد رجال كبير و عقلو قديم شوي, بس عن جد شو قصة حماة و قال كمان علقانة بجسر الشغور؟
لك خيو شغلتن بسيطة, يعني مع أني و الله ماني طائفي, بس اخوانا بحماة شكلو جلدن عم يحكن و ما تعلمو من المرة الماضية
هههههه, اي معك حق يالله بلكي هالمرة بيعرفو منيح انو رئيسنا رجال ما عندو مزح
بعدين عجبك تاركين الجولان محتل و الفلسطينيين عم يتظاهروا هنيك وبس بيتقاوو على رجال الامن و الجيش
تفي عليهون
شفت مبارح بالجولان يا حرام شو صار
بس سمعت انو الاسرائيليين نطوا على الجهة السورية من الحدود و صاروا يقوصوا على المتظاهرين
هههههه يا زلمة, هي اكيد شي خرطة من خرطات الجزيرة, لك هني بيسترجوا يعلقوا معنا !!!
اي بالله معك حق, ما شفت منظر الدبابات بشوارعنا و الله بترفع الراس و بترعب أكبر عدو
طبعا, أصلا هي كلها رسالة للخارج لإسرائيل و كلابها
بعرف و الله , لك الأسد رب السياسة كلا ……..
لك لكن من قليل صار رئيس……
اي مظبوط …………
صح معك حق ……………….
يلعن شرفون كلاب…….
الله يخلي السيد الرئيس ……………………….
شوكة بحلقن……..
و يستمر الحوار
و يستمر الاستحمار
.
.
.
.
.
