خلصت

من مبارح وأنا عم لاحظ ع الفيسبوك عندي انو كل رفقاتي ماركة منحبك حاطين نفس الستاتوس…خلصت

أنا ما عرفت شو هي اللي خلصت،ما تاري معلمنا هربان…طبعاً معلمنا مو المقصود فيه ابو البيش ولا ابو الريم…هدول ما بيهربوا،معلمنا هو معلم المندسين أمثالي…أمير حمص بس طبعاً ما كملت معو،وكمشو الأمن وهو عم يهرب…وهذه هي الرواية الرسمية للواقعة

طبعاً الأمير كان بدو يهرب بغواصة (غواصة غواصة مو غواصة مارسيدس)…بس بندر واوباما والحريري ورفعت وماوكلي وبلوتو…إلخ حلفولو بمحمد والمسيح والعفاريت الحمر أنو حمص مافيها بحر…المهم طلع بها الهليكوبتر وأخد الثورة معو…قال مخبي الثورة تحت طبون الطيارة…وانا عم قول ليش حميانة

واللي ضل عندو خواصر بعد هالخبرية يبقى يواجهني…بس يا ريت يواجهني سلمياً أحسن ما فلت عليه أمير القرداحة….الله وكيلكن مخو أخرى من أمير حمص شي 40 مرة

و لمتابعة الخبر الأصلي قبل التعديل… كبيس هون

1152011