ذكريات أبو إلياس: الحلقة الأولى | البداية

الـبـدايـة

ساهمت مواقف جاري أبو إلياس وما رواه لي كثيرا في تغيير موقفي بل وتبديله تماماً، وسأروي لكم في كل حلقة قصة له بشيء من التفصيل، أنا أسأله وهو سيجيب، سأسأله عن ذكرياته قبل الثورة

وما الذي أحدثته هذه الثورة في حياته وفي حياة من حوله ولكم أنتم أن تسألوه أيضاً وأنا سأكون صلة الوصل بينكم وبينه.

• مرحباً عمو أبو إلياس..
اهلا اهلا.. تفضل

• شو شايفك مغيّر الروتين، وعم تلحق الأخبار من محطة لمحطة ؟
أقل منا يا ابني.. كل شي صاير بالبلد.. ااااه

• عمو، انت شو رأيك؟ شو شايف؟ لوين رايحة الأمور؟ انا كل شي بسمعو كل يوم رأي الشباب وبتعرف احيانا بخاف من الحماس الزايد.. انت شو حاسس؟
شو حاسس.. كل شي حاسس. فرح على حزن على أمل وفخر بهالجيل على وجع من الماضي والذل اللي رضيناه ووصلنا لهون
الله يحمي هالشباب.. ما تخاف عمي ، ما تخاف من الحماس

• ماني خيفان، بس مقهور من حال البلد من قتل ودمار؟؟
لك يا عمي دمار مين وخراب مين، صحي نحن دقنا طعم كف التمانينات، ويمكن هو اللي خلانا نسكت طول هالفترة، بس والله اللي عم يساوو هالشباب بهالوقت ما لو تمن. ما لو تمن. اي العالم كلو صار يحكي بالسوريين وشجاعتهم.
روح يا ابني الله يقويكن انت ورفقاتك وبعمركن ما تخلو راسكن مطأطئ متل ما صار فينا.

• طب عمو، انت مانك خايف من فتنة طائفية او حرب اهلية .. الحكي اللي عم يغنوه كتير اليوم؟
ويا ريتني ما سألتو هالسؤال، مسك أبو إلياس كاسة المتة وسرح بذكريات عمر بتفاصيله الحلوة والمرة..
وقال:…

يتبع…

سوريا بدا حرية