ذكريات أبو إلياس: الحلقة الثالثة | تمانينات

• مرحبا عميم..
لك وينك لهلأ انت، وينك لهلأ، ما بتبطل عادتك، أد ابني وبدي اقعد استناك.. روح قدامي خلينا نلحق قبل ما يخلص العزا

• والله يا حجي الحق معك، بس كيف وصلت لعندك ما بعرف.. من حاجز لحاجز
وليش هيك لابس كأنك رايح على عرس لك ابني، كمان تعطر وتهندس

• له له يا عميم، اذا مشان الشهدا ما تعطرنا، كرمال مين بدنا نتعطر
اييييييييييييه.. الله يرحمهم
سندني خليني انزل من هالرصيف المكسر… يا الله
لك عمي، بدي بق البحصة اللي بحلقي، من مبارح عم فكر فيها.
خيييير اللهم اجعلو خير.. تفضل انت وأسئلتك الحشرية

• له له يا أبو الياس.. الله يسامحك، يا حويلة الخبر والملح ههههه
عن جد عمي، بزماناتو ما فكرتو تعملو شي تشيلو ولاد عالـ…. وتعيشو متل الخلق احسن من هالذل اللي كانو في العالم؟
والله عرفت بدك تسأل شي صواب، ما بتبطل عادتك انت، ما بتبطلا، بس بيطلعلك عمي، صحفي وما حدا قدك.
هاد يا عمي بالتمانينات وغير ما حضرتك تفضلت، حاولوا شوية شباب بهداك الوقت يعملو شي، بس اتهمون انن من جماعة الأخوان، وبلشوا فين ضرب، وما خلو حدا لا بحماه ولا بحلب يعتب علين.. راحو للكل.
وما حدا سمع باللي صار وقتها، غير بعد ما خلصو.

• أووف، ووين كانت هالعالم نايمة حتى ما حدا عرف شو صاير؟
لك حمزة، لا تفجلني، اي وقتا ما كان في لا تلفزيون متل الخلق والعالم ولا هاد الانترنت تبعكن، وحتى الراديو يا دوب نتسمع على شوية اخبار من تبعوت البعث.

• اي والله ما اقتنعت، على قولتكن راح فيها شي 80 الف واحد بين حماه وحلب.. لك
ليش سكتو.. لييييش؟

بعد الغصة..كان الجواب

يتبع…

———————
مجلة سورية بدا حرية