بيان سيريان
————-
عزيزي طيار الـ ميغ :
ممكن توطي طيارتك أكتر من هيك
مشتهي كتير شوف عيونك وأنت عم تقصف !! .
عزيزي الرامي ع الدبابة :
…ممكن أهديك أي باد وخط 3 G
مشان تستخدم google earth وتشوف شو عم تعمل قذايفك !! .
عزيزي جندي الحاجز :
أنت جندي في جيش لدولة مسلمة حسب دستورها
ممكن تحترمني شوي برمضان وتخبي قنينة المي الباردة من إيدك !! .
عزيزي اللاجئ في مدرسة كذا :
عمو أنا ما باخد راتب على شغلي ولا بتعطوني بنزين
ممكن تتكرم علي إنك ما تقلب وجهك فيني إن كان الفطور رز بحمص ..
عزيزي المتبرع على مدرسة كذا :
الله يخليلك سيارتك ويحميك لشبابك
بس ممكن تنزل من السيارة بدل ما تعيطلي مشان أخد كيس الخبز اليابس منك !! .
عزيزي المتسلق على أكتاف كلا الطرفين :
هلق بعرفك انتهازي وهالأياام أيــــــــامك
بس ممكن تذوق وتحس وتتذكر إنك عم تدوس على أهلك و وطنك !! .
عزيزي المؤيد للعضم :
ممكن ما إحكي معك شي
لأنك ما رح تفهم عليي شي !! .
عزيزي المتذبذب :
رح اعزمك على فنجان قهوة بجبل الأحلام
ممكن تسمع صدى اسمك وأنا عم اصرخه !! .
عزيزي السوري الأصيل :
طول باالك ولا تفقد الأمل وبكرى أحلى
ممكن تسامح وتغفر وتصرخ معي ” لـ سوريا رب ابتلاها .. و رح يعينها
