شكرية بنت ذكية كتير وحربوقة ….راحت لعند زهرية البسيطة الجدبا قالتلها يا زهرية بدي اشتغل بالثورة فوتيني معكم انا رفيقتك من صف السابع بالمدرسة …
راحت شكرية وزهرية لعند فتحية الطيوبة …فتحية شخصاية كتير مهمة بالثورة وكتير مخلصة بس انو عاطفية كتير وبتثق بكل الناس ….راحت فتحية شغلت زهرية و شكرية بالثورة ..شغل منشير وخياطة والذي منه …..وشوي شوي بلشت شكرية الحربوقة تتعرف على ناس تقال بالثورة …تعرفت على محمد وأحمد ومحمود …..اجا محمد سأل فتحية الطيوبة شو وضعها لـ (( شكرية )) الذكية والحربوقة؟ .قالت فتحية الطيوبة بكل بساطة هي رفيقتي وثقة كتير …محمد لأنو معجب بشخصية فتحية الطيوبة ومابدو يزعلها صدق كلامها…… علما هو بيعرف انو فتحية الطيوبة متهورة وعاطفية بقرارتها…. شتغل مع شكرية الحربوقة وعرفها على أحمد ومحمود …. شكرية الحربوقة كمان طلبت منهم اضافة صديقتها عالنت اسمها مرام ………
بعد فترة بيتواعد محمد مع مرام مشان الشغل بيقوم بيطلع كمين …وبتطلع مرام حساب وهمي للأمن …وشكرية الحربوقة مخابرات ……ومحمد اعتقل واحمد هربان ومحمود سافر ….لأنو كلن شتغلو مع شكرية الحربوقة المخابرات ……………….
بعد فترة بتحوم الشكوك حولين شكرية انو مخابرات بس للأسف بيجو زهرية البسيطة وفتحية الطيوبة دافعوا عنها وحجتن انو هنن لساتن بخير ………. لك يا متخلفات شي طبيعي انتو ما تعتقلو مشان تعرفو شكرية على ناس تقال بالثورة كمان ويعتقلوهم كمان او مشان ماحدا يقرب على شكرية ..وللأسف بعض الشباب الهبلان بدافعوا عن شكرية مشان يوقفوا مع الصبايا ويفردوا عضلاتن ………………………………….
الهدف من القصة :
1_ لما بدك تتأكد انو شخص ثقة ولا لأ اسأل الناس المتزنين ذوي الحكمة والعقل والمنطق ولا تسأل الناس العاطفين وان كانو ثقات … حاول تحليل المواقف واستنتاج حقائق الامور وحاول توصل لشخصية الشخص يلي عم تتعامل معو ولا تعطي اي معلومة عنك صحيحة
2_ نحنا ثورتنا مالها مغامرة ولا قضية تعارف شباب وبنات … الامن ما عم يخترقنا الا من بروفايلات بأسماء بنات وهادا امر خطير كتير …وكتير من الشباب مشان ما يزعلو البنات بيثقو بكل شي بينحكى وهادا شي خطأ
مع احترامي لجميع الحرائر يلي هنن ااحسن مية شب بس هي الحقيقة المرة …وطبعا في بنات احسن مني بمليون مرة ……
مع تحياتي لجميع الحرائر والاحرار
احمد داينمك مان ..
