شو مشان انو انا صارلي أسبوع كامل ما حكيت مع اهلي بحمص بهذه الظروف المأساوية للبلد في ظل انقطاع كافة الاتصالات عن المدينة المنكوبة؟!!!
وشو مشان انو ما حدا معبرها لحمص؟!!!
وشو مشان انو كأنو بعناها لحمص؟!!
وشو مشان انو النظام اخد راحتو ومكتر عالآخر بقصف حمص؟!!
وشو مشان انو خبر حمص صار في آخر الأخبار واذا ذكرت تذكر بجملة ” ومازالت حمص تتعرض للقصف لليوم ال 15 ـ 16ـ 17ـ18 …….الى مالانهاية؟!!
وشو مشان انو لا المجلس الوطني ولا المجلس العسكري و لامجلس الامن ولا مجلس الجامعة ولا مجلس المدينة عم يحاول انو يوقف المجازر بحمص؟ّ!!
وشو مشان انو لا بقا في جيش حر ولا بقا في جيش مانو حر وماحدا حر
طيب شو مشان انو نص سكان مناطق حمص بلا بيوت وعايشين بالملاجىء؟!!!
وشو مشان انو الجريح عم يموت لانو مافي دوا؟!!!
شو مشان انو الصليب الاحمر والهلال الحمر والنجمة اليهودية الحمرة والخضرة والزرقة مانن سمعانين يمكن بمدينة اسمها “حمص”؟!!
شو مشان انو التبرعات صارت بالمليارات يمكن وما وصل شي لحمص غير التياب القديمة والجرابات المشقوقة؟!!
شو مشان انو بعد ما تقرا الكلام هاد كل يللي رح تعملو انك تحط لايك وبس و ماتتحرك مشان تعمل ايا شي لحمص ؟!!!
شو مشان انو نحرك حالنا ونشتغل لحمص والزبداني ومضايا وسورية؟!!
شو مشااااااااااااااااااااااااااااااااان؟!!!!!
“مانها منقولة وطالعة من جوات قلبي”
——————————————
بقلم : Abulawal Alsaka
