شو ناطرين

أم حسبتم أن تدخلوا الجنة ولما يعلم الله الذين جاهدوا منكم ويعلم الصابرين

يعني أنا بس بدي إفهم من يلي ربيت معهن وعلى أساس مسلمين

حبيباتي شو مو قاريين قرآن ؟؟

ولا شاطرين بس بالتجويد وتقلولي أحكام الميم الساكنة وأحكام النون والغنة والإظهار ؟؟

فكركن هاد الحكي يلي رح يفوتكن الجنة ؟؟

هي الآية مو تشريع ؟؟

ولا نزلت بالقرآن بس صف حكي وتحصيل حاصل ؟؟

من ونحنا صغار بنحكي على الجنة وكيف بدنا نروح لهنيك وكيف إنو الشهادة هي أحسن طريقة لتفوت على الجنة وكنا نندب حظنا إنو يا زلمة يا ريت يصير حرب مع إسرائيل وتصل الحرب للشام مشان نطلع ونعمل ونساوي ونستشهد ونروح على الجنة !!

وين هالحكي هلأ ممكن أعرف ؟؟

هلأ صار ماما ما عم تخليلي إطلع ؟؟

وبابا بيغضب عليي…

ومرتي حابستني ….

وولادي بيزعلوا مني ؟؟

شو عم يصير معكن ؟؟

ناطرين ليفوت الأمن على بيوتكن مثلا ؟

ولا ناطرين ليصلوا لعندكن الشبيحة؟؟

وين الأحديث والآيات يلي كنتو تستشهدوا فيها ؟؟

من مات ولم يجاهد أو يحدث نفسه بالجهاد فقد مات على شعبة من نفاق

وين الحكي إنو الجهاد بصير فرض عين بس يفوت المعتدي عليك ؟؟؟

شو ناطرين ؟؟

إذا بس عم نقلكن تعوا وقفوا بالطريق ما عم ترضوا تنزلوا فكركن رح تروحوا تجاهدوا لكن ؟؟

متخيلين ممكن تجيكن فرصة تانية ؟؟

ممكن تنعاد هالأحداث بالمستقبل وساعتها رح تعملوا شي !!

إي لأنو كل تلت سنين بتطلع هيك قصة بسورية

ولا قلكن هي القصة متل الحج كل سنة بتصير قصة متل هي ويلي بيقدر بس بيعملها!!

مو على أساس الدنية امتحان؟؟

طيب إذا كانت امتحان فمو هاد هو أهم سؤال بهالامتحان ؟؟

ولارضيتوا بمكانكن مع القاعدين والمتخلفين عن النزول ؟؟

نسيتوا سورة التوبة وكيف الله طلب من المسلمين إنو يقاطعوا هدول الناس يلي ضلوا ببيوتهن وما تحركوا ؟؟

وغضب عليهم وقال انو مكانهم بجهنم ؟؟

يعني بالله عليكم  إذا امتحان وهاد السؤال قررتوا تتركوا فاضي وما تشتغلوا في فكري بلاها كلها عيشتكن لانو قد ما عملتوا شغلات صح بعدين ما رح يغفرلكن هالشي قعدتكن هلأ

لسا ما دريتو انو الناس عم تتقتل ببيوتها ؟؟

لسا ما دريتو انو العالم عم تنضرب بالجوامع ؟؟

لسا ما دريتو شو عم يعمل الأمن بالمسجين ؟؟

لسا ما دريتو شو عم يعملوا الشبيحة بس يفوتوا على مدينة ؟؟

لسا ما استوعبتوا أنو إذا ما تحركتوا انتو ما رح يمشي الحال ؟؟

لك لسا الواحد فيكن عم يعد للمليون قبل ما يكتب كلمة لانو خايف شو بدو يصير في بعد ما يكتبها ؟؟؟

لسعتكن هووووون؟؟؟

شو ناقصكن ؟؟

مكرسحين ولا عميان ولا نسوان لحتى ما تنزلوا ؟؟

ولا اي صح ماما أهم من الله وغضب الحجي أصعب من جهنم … الحق معكم والله

خليكن قاعدين

وبكرا بس تخلص القصص تحسروا على هالأيام

الأيام يلي كنتو فيها صفر على الشمال

وبس تحسوا بتأنيب الضمير وما تسامحوا حالكون

تزكروا منيح انو كل يلي نزلوا مالهم مسامحينكم كمان

وامهات الشهداء مو مسامحينكن كمان

ونسوانهن مو مسامحينكن كمان

واخواتهن مو مسامحينكن كمان

وولادهن مو مسامحينكن كمان

مافي الك ولا عزر لما تنزل وتكون معنا

خايف ؟؟

مين قلك انو يلي بالطريق مالهن خايفين متلك واكتر ومين الك انو فينا حدا ما بخاف من الرصاص ومن القتل والضرب والحبس والبهدلة ؟؟

لسا مو كتير متحمس للقصة ؟؟

اي بتعرف لانو نحنا كتير متحمسين للبهدلة والضرب والشحط والموت ..بطير عقلنا بهيك قصص نحنا مننطرها من الجمعة للجمعة بحماس لا يوصف

خايف على اهلك ؟؟

اي اهلك على راسهن ريشة لأن … دموع ميت ام تبكي ولا دموعك يا امي .

مالك بالبلد ؟؟

ميت الف طريقة للجهاد دعام بمصريك اتصل بقنوات اعتصم قدام سفارات رفاع فيديوهات حرك العالم برا عميل ضغط دولي هلأ ما عاد تعرف تتصرف وتربطت اديك ؟؟

وياريت تتزكر شو يعني جهاد

الجهاد مو شغلة تتصفن فيها خمس دقايق قبل ما تنام وتقول والله ما طلع معي طريقة لساعد

معلش اعتبره مشروع تخرج بجامعتك واعتكف على حالك شي اسبوع بيطلع معك ألف فكرة لتدعم الثورة ببلدك

مو هلأ وقت سيرينك وجوازك وكسوة بيتك وسيارتك الجديدة

هلأ في شي أهم  عم يصير وإذا ما عم تحس في فسمحلي قلك انو انت إنسان بلا دم

ما بعرف شو بدي الك

بس بتعرف شو إذا لسا ما اقتنعت فأنا برايي لسا بكير استنالك شي شهرين تلاتة تانيات

إلا ما تقتنع آخر شي !!!!

لأنو انت شكلك من جماعة

“حسبتم ان تدخلوا الجنة”

.