طززززززز بتركيا و بإوردغان و يحيا شعبي السوري بس

ايديي عم يوجعوني من كتر الكتابة ع الفيس بوك و النوم الغلط قدام شاشة الكمبيوتر بس صار وقت هالمقالة، شيطان داخلي معاد يرحمني وهو يقلي يلا يلا لشوف اكتبي وجعك ، غضبك … تفاؤلك على هالمربع الفاضي قدامك
فما بين اسم جمعة لن نركع و اسئلة وصفحات بتشيد و بتكره و بتحلل سياسيا مواقف دول متل تركيا وامريكا و لبنان و حزب الله ….. فرق كبييييير و شااااااااااسع , هوة واضحة ولعب على مصطلحات و تفريغها من معناها علما المفروض نكون نحن غير النظام و لمن بنقول مارح نركع يعني مارح نركع بغض النظر اذا تآمرت كل دول العالم على ثورتنا و حبت انها تنطفي أو تنجح …..
أصلا طبيعي يكون كل دول العالم بدها ثورتنا تنطفى … رح قلكن ليش
الدول الي الها مع سوريا حدود بخطر ….. لانو الفوضى ما بتناسب حدن ، بمن فيها اسرائيل (مع تحفظي على اعتبارها دولة )

الدول التي ليست حدودية:
– أوروبا : شعب أناني لأبعد حد بيتمسخر علينا اذا طلعنا متخلفين وبلأخير هو عم يساهم وبدو تخلفنا .. ليش : لانو نحن أصحاب ثروات باطنية وأصحاب تاريخ و حضارات عم يموتوا حالن لتصير الن …….. او قلكن جواب هالسؤال لحالو مقالة استنتجته بعد عيشتي معن سنتين و بحكيلكن عنو بعدين
– افريقيا : ثورتنا عم تشغل الرأيي العالمي عن مجاعاتن و مشاكلن الصحية
– أمريكا : خربطتولها خططها الخمسينية و خليتوهن يرجعوا يقلبوا اوراقن من جديد و اتصالات و و …. يعني من الاخر وجعتولن راسن
– بريطانيا : نفس امريكا و اوروبا , بس هلأ خليتون يضطروا يدافعو و يميزو انو الي عم يصير عندن مو ثورة بل عصابات مسلحة وخاصة بعد تصريح هاد الي نبعثه على مجلس الامن : المبعوث السوري ومقارنتو للعصابات السود الي عم تسرق المحلات ببريطانيا للمتظاهرين الي عم ينضفوا الشوارع بسوريا بعد كل مظاهرة !!
– الدول العربية : ههيهي هون حطنا الجمال , يعني السعودية الي ما عندن جيش والي عاملين كل هالقمع من آل سعود على شعبن بالسعودية ، فكركن بينبسطولكن اذا فزتوا على جيش بشار !!! ، اي والله اذا هالشي صار(وانشالله رح يصير) ، معناها اعلموا انو نهايتن لآل سعود قربت وخاصة انو ما عندن جيش و قيسوا جميع الدول العربية على هلمنوال
– الفاتيكان و الهندوس و و وبقية الأديان السلمية ، انو هيك ثورة بتطالبن بموقف علني يعبر عن دينن المحبة و بتحرجن و هني بأغلبن تابعين للدول السابقة لهيك كرهانين هالثورة و بتمنوا عدم حصولها
يعني من الآخر ومنشان ريحكن ، الكل بدو فشلكن وفينا نجمع جميع الاسباب بسبب اسمو : ثورتكم بتعارض مصالحهن …..
نقطة ع السطر حبينا قصدي خلصنا

فنحن قدام طريقين : طريق شريف ولهلأ الشارع السوري ماشي فيه وهو انو طز بكل ما سبق ونحن بدنا نفوز
والطريق اللاشريف نسبيا وهو انو نقدم لما سبق ذكره ضمانات ، انو ساعدونا و نحن بنعطيكم الي بدكن ياه متل بشار بس شيللونا ياه متل رفع اعلام تركية بالمظاهرات ( اللهم لا شماتة بشو صار لكل مين نطر تركيا !!!
طبعا ظهر فشل هالطريق …….. بتعرفوا ليش ؟؟السبب الاول : رفض الفكر السوري النضيف لهيك تنازلات و التاني انو انتو بكل غباء نسيتو اذا انتو قدمتوا تنازل ،النظام بكون عم يقدم عشرة تنازلات مقابيله ….. …… ولا شو متوقعين يا أذكياء
ف أنا برأيي خلونا نمشي بالطريق الشريف ، الي بتناسب قلبا و مضمونا مع اسم الجمعة الي اخترناه : لن نركع
نحن الي بنقلع شوكنا بإيدنا و نحن الي بدنا نشيلو لبشار و بهمتنا القوية …..
في كتير منكم بقلبن عم يقولوا … يا الله هالبنت شو انها أبعد ما يكون عن السياسة و ما بتفهم شي …… بعرف اني بعيدة عن السياسة و ما بفهم فيها شي ، بس خدوني بحلمكم و كملوا معي المقالة :
نحن رح نسقط النظام بالمظاهرات و بالاضرابات و المقاطعات و بس .. كيف ؟؟؟

أولا : النظام بلش يفقد شعبيتو …. عندقسم كبير من السوريين ، بدليل فشل المظاهرات “المليونية” الي كانوا عم يحشدوها مبارح والأسباب هي التالية :
1- الخطأ السياسي القاتل (وليس الأخير) للنظام بدخوله على مدينة حماه ، فغير انها الجرح السوري ، حماه أثبتت لكل العالم بمن فيهم السورييين انها مافيها مسلحين و بالتالي دخوله على حماه … خلى قسم من الي صدقوا انو دخول الجيش لحماية المدنيين يسقط حماه عبقية المدن الي تظاهرت ويأمن بكذب اعلام النظام
2- المحبكجي المستزلم الي كان مع النظام لانو كان مع القوة و مفكر انو منتصر بلش يحس انو همممم ممكن النظام يسقط ، فلازم بلش غير موقفي .. طبعا هو مارح يعمل متل تابع الخطوة صفر _ واحد …. هو رح ييلش أترة أترة يصف مع الأقوى و الي هي الثورة
3- المحبكجي المستفيد : بلشت المقاطعة تزعجوا اتوساني اتوساني .. ومعو معو بلاقي انو انضمامو للثورة أربحلوا
4- المحبكجي الأناني : هاد الي مو جاي عبالو تصير ثورة و يبطل يروح مشوار و وقف مع النظام بالاول ع اساس انو النظام بقمعن و بضبن للمتظاهرين ببيوتن بس ما انضبوا … وصار يلاقي انو الحل السليم بإنو يطلع بشار و يسلم الرئاسة لغيروا و هيك المتظاهرين بحتفلولن يومين و خلصنا … وهيك بيرجع يقدر يطلع بمشوارو
5- المحبكجي الطائفي : هاد مافي منو أمل … وعكلن مانن كتار و بس يقرب يسقط النظام رح تشوفون متل التوتو انضبوا ببيوتن ومارح يكون في اي خوف من حرب طائفية

ثانيا: في عنا بسوريا حاليا شي 6محافظات منكوبة و تضررت من اساءة النظام الها ، يعني 6محافظات بدن يضلوا شاعلين رغم كل محاولات النظام لاطفائن … حتى بدرعا الي مصدر الشعلة لساتها شاعلة (أخف بس ما انطفت ) .. وكلن الن تار عند النظام ومارح يسكتوا عنوا ، يعني لو شو ما عمل النظام مارح ينضبوا ببيوتن المتظاهرين .. يعني انقتلت الحياة و انشلت ب 6 محافظات بدولة أصلا مانها غنية و لاتنسوا بالعودة ل أولا بيطلع معنا انو عدد المحافظات رح يزيد ، مارح ينقص ….. الزمن لصالحنا.

ثالثا: أزلام النظام و انا هدول الي معولي علين لاسقاطو ، مابين غباءن السياسي ، غبائن الاعلامي ، و انن حرامية من الاساس … معروفة بالافلام : المجرم لا يثق بالمجرم
هدول لمن بشوفوا الغلبة للشعب رح يبلشوا ينقسموا ما بين هاربين و منضمين للشعب
وأول مثال شفناه لوزير الدفاع “العلوي ” علي حسن ، الي أقيل لاسباب ما حدن منا بجهلها …. مرة أخرى الزمن لصالحنا.

رابعا: الانهيار الاقتصادي للنظام ، يعني عندك دولة موقفة عن الحياة من 5 اشهر و انا شخصيا بكذب أي مصدر مالي رح يتقدم للنظام …. مرة تالتة ولا صرنا رابعة الزمن لصالحنا.

خامسا: وعي الشعب بإنو نصف ثورة هي انتحار ، وبالتالي لارجوع , الى الامام .. الى الأمام …….. ثورة ثورة ههيههي وين صرت أنا
وبالتالي هاد الشعب تيـّـس .. هيك من الآخر ، يا قاتل يا مقتول …. واذا سيناريو تخلي أزلام النظام عنو ما نجح … فبأكدلكن انو شعبي رح يطق عقلاتو و رح نصير كلنا فدائيين يعني اذا هيك ثورة ما نجحت .. ومجرد تخيل كيف رح يرجع يتحكموا فينا آل الأسد بعد هالثورة كافي ليخلي اي واحد فينا يحطلوا حزام أمان قصدي ناسف و يروح على اي مفرزة أمن وهيك لنخلص نحن وياهم …. ولا تستغربوا ، أنا جاهزة اعملها فكيف أخواتي ذوي الفكر الجهادي … اي والله وقتها عنجد رح اعمل امارة فدائية و ننزل نفجر حالنا بجيشنا الباسل (فعلا باسل الاسد يمكن) وبالأمن ….. فحلوها احسن ما نعمل سوريا قاعدة تصير كلها فدائيية لقضية مهمة اسمها “حرية”.

سادسا: وهاد أهم سبب ، الحماصنة : أنا صار عندي قناعة كاملة بإنو هيك شعب رح يجيب الجلطة القريبة للنظام …. غير انن الن شعبية محببة حتى على قلوب المحبكجية وجميع السوريين وحاليا بالعالم، بس جد جد تفائلن بخليني اوثق مليون بالمية بإنو الطريق الشريف للثورة رح ينجح … اخر فيديو الن لمن عم يقولوا للامن : عيدها عيدها ، منشان الامن يرجع يقوص علين
خلى عيني تدمع و ابتسمت و نمت متل الأطفال و قلت طالما هاد شعبي ف فيني نام قريرة العين.

وبالأخير: طززززززززز بـتركيا و بأمريكا و بكل العالم و يحيا شعبي السوري وبس.

بقلم: شذى