بسم الله الرحمن الرحيم
وَلاَ تَهِنُوا وَلاَ تَحْزَنُوا وَأَنتُمُ الأَعْلَوْنَ إِن كُنتُم مُّؤْمِنِينَ
إِن يَمْسَسْكُمْ قَرْحٌ فَقَدْ مَسَّ الْقَوْمَ قَرْحٌ مِّثْلُهُ وَتِلْكَ الأَيَّامُ نُدَاوِلُهَا بَيْنَ النَّاسِ وَلِيَعْلَمَ اللَّهُ الَّذِينَ آمَنُواْ وَيَتَّخِذَ مِنكُمْ شُهَدَاء وَاللَّهُ لاَ يُحِبُّ الظَّالِمِينَ
وَلِيُمَحِّصَ اللَّهُ الَّذِينَ آمَنُواْ وَيَمْحَقَ الْكَافِرِينَ
أَمْ حَسِبْتُمْ أَن تَدْخُلُواْ الْجَنَّةَ وَلَمَّا يَعْلَمِ اللَّهُ الَّذِينَ جَاهَدُواْ مِنكُمْ وَيَعْلَمَ الصَّابِرِينَ
صدق الله العظيم
أشاوس الحرية و الكرامة أخوتي في الثورة
الأية الكريمة يلي فوق بيجوز كتير منكن ما بتأمنوا أنو نزلت من عند الله او حتى أزا الله موجود بس أنا سواء بتأمنوا و لا ما بتأمنوا بدعوكن انكن تقروا و تعتبروا انكن قريتو ضمن صفحة او بالصدفة يعني بدون أحكام مسبقة و تفتحوا قلبكن و تتأملو شوي و تحاولوا تفهموا المعنى لأنو كونكن ما بتأمنو بالمصدر مو شرط أنو يكون المعنى غلط
الفكرة يا جماعة انا حابب قلكن كلمتين أنو يلي عم بيصير هوي صراع بين ظالم و مظلوم و أكيد في ألو نتايج وخيمة على ناس أبرياء مالن علاقة أو أبطال أو أيا فئة او تصنيف أخر و هادا الشي طبيعي و موجود بأيا صراع و بيلزمنا انو في قمة المعمعة نهدي أعصابنا و نركز جهودنا لدعم الثورة و أنو ما نخلي معنوياتنا تنهار.
يلي عم بيصير هوي أمتحان بتحب تسمي رباني بتحب تسمي دنيوي ثوري و لا حتى عفاريتي بس هادا أمتحان متلو متل صهر الذهب يلي تحت الحرارة و الضغط بتطرح الخبث وبتبين المعدن الأصيل هادا الأمتحان صعب كتير و بأذن الله النصر حتمي على هيك نظام و أبرز معالم أنهيارو هوي أرتكابو لمجازر اليوم.
بس أنتو عندكن حلين يا أما بتنهاروا و بتبكوا و بتحردوا او حتى يلي مأمن بفكرة أو مبدأ وغاية عليا بيكفرفيها و يلي عم يشتغل سلمية بيجن و بيروح حالو أو بتتعصبوا و بيصير بدكن تشختوا الناس على أبو جنب او حتى بتنتحروا لأنو ما عاد فيكن أو بتساوو أيا فكرة هدامة ومجنونة و سلبية ما بتخدم الثورة.
و النتيجة شو رح تكون ؟؟؟ النتيجة انو زملائك بالثورة يلي تابعوا بثبات و بعقلانية و فهمنة رح يكونوا نجحوا بالأمتحان و عطوا عبرة للأجيال القادمة و صنعوا منارة مضيئة و تاريخ مشرف.
أما انت يلي انتحرت ثوريا و بطلت تشارك و لا أنتحرت أخلاقيا و ظلمت ناس مالن علاقة و لا عملت أيا نوع من الأنتحار المعنوي او المادي أو الأخلاقي أو أو …
رح تكون انت الراسب و انت الفاشل بين ألاف الناجحين يلي تابعوا بهل الثورة و وصلوا على بر الأمان و رح تكون خسرت حالة السلام مع نفسك و أحترامك لذاتك و نظرتك لقيمتك الأنسانية بالدنيا و تعيش بتأنيب الضمير وخصوصي كل ما شفت أبن شهيد يذكرك بتخاذلك مجرد ما تشوفو و أذا بتأمن بالله رح تكون كمان خسرت أخرتك …
من شان شو ؟؟؟ من أجل انك ما صبرت باللحظات النهائية من تاريخ الامة و بتكون كمن نقضت غزلها يعني كل شي عملتو خير كبيتو بالبحر.
بعانقكن كلكن أحبائي ثوارالحرية و بضمكن لصدري و ببوس كل واحد فيكن من شواربو بس يلا حبيبي بيكفي بكي خليك رجال و انت كمان بلا تعصيب و بوس رفيقك يلي من غير ملتك بس متلو متلك مندس وخليك عادل و لاتكون ظالم متل النظام .
حطوا أيدكن بأيدي أنا عيني نشفت دمعها بس قلبي عم يبكي انا انسان متلكن و مقهور بس والله ما رح أتخلى عن أهلي بسوريا كلها و رح تابع المسير سيروا معي صف بصف و كمشوا أيدي و منصورين بعون الله
أخوكن دباح الشاغوري
