بقلم : شاب حلبي ثائر و معتقل سابق
——————————-
طلعنا من جامع امنة .. وتوجهنا لكورنيش الإذاعة… الأعداد كانت عبتزداد… واعلام الثورة معباي .. وشغال البخ علارض … والحيطان .. بقدر قدر انو كنا فوق ال 10 تالاف..
لفينا حارات سيف الدولة ورجعنا عشارع الرئيسي… بتجاه دوار الكره الآضيه هون كان صرلنا ساعة كاملة وماحدا قرب علينا
وصلنا على دوار الكره .. في شباب طلعوا فوق الجسر .. ورفعوا علم الاستقلال فوق الجسر
ونحنا احتلينا ساحة الكره
بلش ضرب النار علينا.. وبلشنا نهرب.. بس في ناس ثبتت وصارت تقول .. كلنا شهداء الله واكبر… هجموا عليهن… والله رجعنا كلنا .. ومسكنا حجار وهجمنا.. ووقعت تحت ايدنا سيارة شبيح … وكسرناها وحرقوا الشباب…
هون حسينا بقوة مو طبيعية .. وصرنا نرقص بساحة الكرة… وكسرنا حجار وشلنا معنا.. واتجهنا بتجاه ساحة الجامعة… الناس كانت مو مصدقا انو نحنا بحلب…
ونحنا بطريقنا لساحة الجامعة عيسارنا صارت مدرسة الحزب.. وتلاقي هناس ركضت عصورة الشبيح.. وبلشت ضرب حجر عليها… وطلع شب قبضاي.. وبالسكينه شقى… بس هو عبشقا.. في شباب من رفقاتي سمعو صوت رصاص عدت من فوقن .. كأنو رصاصة قناص.. بس ماحدا نصاب…
تابعنا المسير بتجاه الساحة .. وطبعا في شباب من عنا عبحطو حواجز مشان ماحدا يقرب…
وصارت عيسارنا سيرياتل… وبلشو مجموعة تضرب بالحجار على سيرياتل… هو انا وكم واحد وقفنا قدام سيرياتل وصرنا نصيح سلمية سلمية.. قام وقفوا ضرب الحجار…
وصلنا عمفرق بيت حسون.. اجت سيارة امن من يسارنا… وتلاقي هشباب ركضت عليها وحرقتا وضربت يلي فيا… وصاروا يصيحوا امان امان …
هون والله الناس صارت تسجد لربا بنص الشارع.. ماحدا مصدق يلي عبصير…
انا هون قلتلو لرفيقي.. ليش تاركينا … انا حاسس في شي .. قلي بتريد نطلع.. قلتلو لا خلينا… وكملنا بتجاه الساحة…؟
وفجأة لما صرنا بأخر النزلة… وقفوا عناصر امن من فوق.. وبلشو ضرب رصاص مباشر علينا… شي بحياتي ماسمعت هيك شي… الرصاص يضرب بالأرض.. ويعدي من وفوق راسنا…
فجأة واحد عبيركض جنبي… اكلا رصاصة بصدروا.. !!!
طلعنا انا وياه بتكسي .. وبوشنا على مشفى خاص.. وحكيت مع ابو … وتركتو ورحت… بس رجعت اطمنت عليه .. وموروا بخير الحمد لله
صار في كتير اصابات بصفوف المتظاهرين…. بس كان يوم تاريخي والحمد لله
