فارس البحرة
———————–
هني بقولوا خلصت
نحنا منقول: قربت
هني بقولوا: مؤامرة
نحنا منقول: ثورة
هني بيقولوا: بشار و بس
نحنا منقول: حرية و بس
بيترحموا على حافظ لأنه كان ذاللنا
و للسبب نفسه منسميه نحنا المقبور ومنلعن روحه
نحنا أكتر منهم
و أكثر صدق و طلاقة و خفة دم
هني مسلحين و أغنياء و مسيطرين عالمؤسسات
عنا كتار بيفهموا
ما عندهم ولا واحد بيفهم
هم عميدعمهم معسكر كامل
و قلبه عليهم لأنه بيعبروا عن مصالحه
نحنا ما حيدعمنا المعسكر المقابل
إلا إذا ضمن أنه قلبنا عليه
و حنعبر عن مصالحه
و هالشي مستحيل
هني دربهم قصير
و نهايتهم قريبة
و نحنا دربنا طويل و وعر و بوابنا ضيقة
بس مالنا نهاية
