وطن
بالقلب حبو دفن
بالروح حبو سكن
بالنفس هوة عم يجري
قبل ما يخلق الزمن
وطن
عشقتو انا
من نهد امي
من أول جرعة لبن
من أول بوسة على خدي
ويأذن بأدني جدي
بسم الله وبسم الوطن
وطن
وحاكمك ظالم
وبعلمك مؤتمن
عم يسرقك وينهبك
ولازم تهتفلو بشجن
قمع واستبداد
والحجة أمن الوطن
يا وطن
الي شعبك صرخ حرية
وكسر أصنام الوثن
واجه رصاص ومدفع
ورجع لعند أهلو بكفن
يا ويلك يا ظالم من دعوة أم
في تحتا جنة عدن
دم شهدائنا ريحتو مسك
وبدمكن عم يسري العفن
بكرى ثورتنا بتنتصر
وبينا وبينكم هالزمن
سوريا أنت أبية
وما بتركعي بوجه المٍحن
——————
Weaam Issa
