أول ما بدينا
سلمية حكينا
وعالثورة حامينا
برواحنا ضحينا
أول ما نبدا منقول
سورية حرة عطول
ويا بشار يا مهبول
الله يعدمنا هالطول
لعيلة الاسد منقول
ماهر باذن الله مقتول
مسا الخير مسا الخير
الله يمسيكم بالخير
مسا الخير للسورية
اسلام ومسيحية
الله يمسي ثورتنا
ثورة تحمي عزتنا
ثورتنا عالكلب بشار
كلب بشار يا كلب بشار
رح بيشيلوك الثوار
رجال الحرية من كل سورية طلعت
راسو لبشار وماهر الاسد طلبت
شبيحة الغدر من بيت الاسد طلعت
ما نهاب الموت لو كترت ولو قلت
وان هلهلتي هلهلنالك
حطينا البارود قبالك
وان هلهلتي ياسورية
واحد منا يقابل مية
شهدائنا عدوا الالفين
بالحرية موعودين
بشار وماهر كلبين
رح نحفرلهم قبرين
يا سباع الشام حومي
ثوري عليه وقومي
ثوري على الخاين بشار
سورية كلها ثوار
عهدا علينا نحاربو
بالسيف نقطع شاربو
لا حاربو ولا حاربو
لا حاربوا حتى المماة
ويا شباب ويا بنات
بالحرية موعودات
هبت ثورتنا من اطفال حوراني
بشار خاين وطرطور للايراني
هبت ثورتنا حمصية وحموية
بشار الخاين بايع للقضية
هبت ثورتنا ديرية ولادئانية
بشار كافر بالكتب السماوية
هبت ثورتنا من شامنا العادية
بشار ساقط والقصة منتهية
أهل الميدان عالراس زغرتاوية
قدم ودوما جديدة ومعضمية
من ركن الدين ومزة والقيمرية
بنات الشام طلعوا بدهن حرية
ومن كل سورية طلعوا اهل الحمية
رجال ونسوان واطفال وختيارية
قالوا سورية مو مزرعة اسدية
بدنا سورية جمهورية مدنية
ملاحظات:
النص عبارة عن مزيج من مقاطع معدلة للعراضة الاصلية و مقاطع من تأليفي و يسمح نقله ونشره وغنائه ولكم جزيل الشكر
كتبت بتاريخ 18/8/2011
بهديه لروح كل شهيد سقط وروى بدمائه الطاهرة تراب الوطن .. لتكبر شجرة الحرية ويعيش بظلها الجميع
لأهل الشام الأحرار يلي بالرغم من كل الحصار الأمني عم يطلعوا قدر المستطاع بمظاهرات
الصورة المرفقة للفنان الكبير أبو عنتر .. الزغرتي و الابضاي يلي مثل أدوار عاشت معنا سنين وما زالت .. الله يرحمه ويسكنه فسيح جناته
بقلم: أبو نجم
