رح احكيلكون اليوم عن معارضة اي معارضة بتشبه معارضة موجودة بليبيا وبتشبه معارضة موجودة بمصر وبتشبه معارضة موجودة بهونولولو
الفكرة انو المعارضة يلي عنا بتشبهون من حيث الاسم بس يعني فايتين فوتة بالبلد يا قاتل ياقاتل بسورية وكأنو تركة خلفلون ياها الوالد وبدون يتقاسموها بغض النظر ؟
مين مات!!!
مين عاش!!!
مين اعتقل!!
مين اتعزب!!!
مين !!
مين!!!
بتلاقي واحد فيون بيقلك انو مع الشارع ومع الشباب ومع مطالب الشباب وفجأة لان ماحطولو اسمو بشي مجلس بيصير بيصير استاذ بالتخوين ومستعد يمد ايدو للنظام كرمال يحبط شي اسمو مانزل فيه ومستعد يعمل ويساوي اي شي يعني طبعا بالنهاية سماع وسطر
كما قال الشاعر الصيني تسونغا
فاقَ الخداع مَواطناً لا تُغتفر
حتى الحمير تبرّأت مما صدر
يا ناعقين بعُهرهم أين المفر
من أين أبدأ قصتي تاه السطر
في قلبِ عاصمة التقوقعِ والقهر
بدأتْ حكايةُ نصرنا بعد الظهر
خرج الجميع ليطلبوا سُبل النصر
جاء الخبر يا ويحهم جاء الخبر
معارضة متشرذمة مفرقة اللهم اسألك رئاسة المجلس الانتقالي اسئلك الخنآة على الكرسي على انو اسمي بشي مجلس !!!
لك ليش مابتمسكو ايد بعض ليش لك ليش ماكل حدا بيقرب البساط لعند الشعب لعند هل الشباب يلي هنن رواد الشي يلي صار ليش العهر واالتطبيل والتزمير ليش متل بياعين الشاورما كل ماحدا فتح محل وشافوا ماشي بيجي التاني بيقلدوا وبيفتح محل الحيط عل الحيط
ليش مانتفق على شي نوحد فيه كل اطياف المعارضة ونصير نهز الارض تحتنا ليش مانضرب المثل بحبنا لبعض بصدقنا لبعض لك بتفانينا ببعض هاد مو كلام كتب جايي عم زتو هاد افعال منقدر نقضي فيها على خلافنا بين بعض ونبطل ولدنة يعني والله اطفال الابتدائي يلي عم يطلعو متفقين اكتر منكن يعني شوي تانية رح نحطلكون موجه واستاذ محايتي برايتي مسطرتي !!!
ياسيدي ولدنة ونص وان بدك تضلوا مختلفين انا برأيي تتطلعوا تعارضوا بنيكاراغوا لاتعارضو عنا بعدو نجسكون وخلافاتكون النتنة عن ارضنا النضيفة الطاهرة ارضنا يلي ماشفنا منها الا كلشي حلو معقول مانوقف معها بازمتها صرلها من وقت ماوعينا عل الدنيا عم تقدملنا لك بيكفي اسمنا سوريين بيكفي اسمنا من الشام من حلب من حمص من كل محافظة من هل البلد يلي بتجنن وخيراتها فيها لك بالرغم من انو عم تنزف ما نسيتنا لك بس خلينا نساعدها توقف عرجلها ونرجع اقوى من الاول لك والله نحنا مناح واذكيا ومنفهم بس ليش الولدنة يستر على اختكن قولولي ليش !!
بلدنا وشبابنا السوريين وكل سوري حقيقي رح يبزء كل واحد فيكون حتى التراب مارح يتحملو لما يموت اذا هيك بدو يضل ليش مانضرب المثال ونفلج العالم بمعارضتنا
ليش مانجبر امريكا ولا اي دولة انو بالصرماية تعترف انو فودعوه !!!
حاج عحب الله فيئو كلو رح يروح وكلو رح يزول اشتغلو للبلد لاتشتغلوا للكرسي وللمنصب وللطمع والله كل رح يروح
ليش ماتذكركون الناس بذكرى حسنى انو والله فلان كان مثال للمعارضة الشريفة يلي ماهمو الا الشعب والناس والشباب ماحلم بكرسي ولا منصب ولا لحق القشور فلان واعي والله يرحمو والله لقبل مايموت كان عم يوصينا بالبلد وعم يوصي كل حدا زارو بالبلد
لك كلكون ميتين وكلكون رايحين !!بتمنى بكرا سورية رح تتجسد يوم القيامة بهيئة انثى طاهرة عفيفة تقلو يارب هاد نصرني وهاد خذلني بس يا خوفي ماتتطلع فيكون ان بدكون تضلوا هيك!!!
بالنهاية رح قلكون كلمتين لو بتحبوا البلد عنجد صدقوني مارح توقفوا عند اي شي ورح تمشوا السفينة لبر الامان ونيال كل مين بيذكروا الشعب بكرا!!
————————-
بقلم: بحبك يا بلدي
