أول شي هادا المقال التاني بهل الموضوع بس موجه لجماعة برا (أنا منكن) مو ليلي بالبلد لأنو يلي بالبلد و خففو تظاهراتون قام الأمن غير مشكور بحملة مسعورة على المناطق يلي بردت خلال الأسبوعين الماضيين أستفزتن لأبعد الحدود و خاصة بتعدياتن على النساء و الأطفال و مراكز العبادة عدا الشبيحة يلي وقت لقوا أنو رزقتن ممكن تنقطع ساهموا بالقمع وأجرموا وسلبو فقام ما كان في خيار بالنسبة لأهلنا بالوطن الجريح غير انو يتظاهروا بس بشراسة أكبر لأنو حسو انو أزا رجعو على بيوتن فهنن وعائلاتن معرضين لخطر أكبر.
أما يلي برا و داق خلقو من الثورة ووقف دعمو البسيط للثورة أو ما عم يتظاهر بالأصل بس عم بيساهم بشكل بسيط للثورة (لايك و دسلايك +نشر مقاطع فيديو +قرشين +شرح القضية لمواطنين من غير دول يعني شوية دعم ما دي +أعلام بأحسن الأحوال ) و رجع يتابع قصص الفنانات و الطرب عالنت فاقرؤوا محادثتي مع أحد أبطال الثورة بالقابون فأزا تحمستوو حسيتو حالكن مقصرين ومافيكن ناموس ممكن تقروا مقالتي التالتة (بعد يومين) لتعرفوا كيف بدكن تعاونو الثوار يلي عم يتظاهرو :
س: كم شهيد رحلكن من أول يوم لليوم و كم واحد صرلن أكتر من شهرين ما طلعوا تقريبابالقابون؟
ج: عدد الشهداء هلي سقطو بالقابون 38 والجرحى تقريبا 100.
س: و المفقودين بالفروعة؟
ج: بحدود 250واحد صرلن من 22-7
س:عم تحسنو تشترو خبزاتكن واساسياتكن لما بيكون معكن فلوس ولا محاصرين حصار مطبق؟
ج:مرة وحدة تحاصرنا72 ساعة وايام الجمع و أحيانا بقطعو المي و الكهربا و الاتصالات على حسب الظروف.
س:أهم سؤال يا ترى كيف معنوياتكن ووقت عم يقتل واحد عم تتراجعو ولا عم تستشرسوا و يا ترى في ناس ملت من الطلعة او خافت و اخيرا ممكن تستمروا 6 شهور تانيات أو حتى سنة أو أكتر؟
ج: ملل مافي والمظاهرات الكبيرة عم تطلع يوم التشييع يعني دمنا عم بيكون وقود أضافي ليشعل الثورة أما بالنسبة لسؤالك تبع كم ممكن تستمروا حبيبي الظاهر أنو صرلك زمان برا و مو عرفان شو صاير نحنا هون لو أستمر الأسد ألف سنة بدنا نضل نتظاهرلنسقطو وكل مازادت وحشيتو بشكل غير مباشر عمبيقوي أصرارناو ما عاد نتراجع بعد الدم يلي شفنا و الحقد والتلفيق و الأجرام و ما عاد في عنا خيار حتى لو دبحونا و حتى لو متنا من الجوع و لتفهم شوي شو صاير
لفيدك بقصة لتعرف انو حتى الأطفال تحولو لصخور منيعة بأرادة حديدية:
يعني آخر شهيد من أسبوعين مسكو الأمن ولد بجنازته عمره 12 سنة ضربوه وهددوه بالرصاص وتركوه يهرب بعدين
اتصور ما راخ على بيته وهو عم يعرج صار يسب الامن ويبصق عليهن
ويسب على بشار
اتصور ردو مسكوه وصاروا يضربوه مرة تانية لحتى مائدر يفز
ومع ذلك وئت بعد عنهم ومع انو صارو يقوصو على رجليه ماخاف منهم ورجع يسبهن
هيك العزيمة تبعنا
في شب من الشباب وئت شاف الولد عم ينضرب وقف ئدام عنصر من المخابرات الجوية
ووصار يئله ليش عم تضربو الولد
ئام خرطش الروسية بوجهه هو ورفئاتو
ئام ماخاف الشب
ئام تبع المخابرات سلخه كف متل طباف الجمر
للشب
قام الشب رد الكف بكف لعنصر الأمن!!!!!!!!
بس الكف من كتر القوة تبعه وئع عنصر الامن متل الخ…ية الممعوسة اجللك
انت اكبر ئدر
وسلت العنصر على الارض
طبعا الشب خاف على حاله وعلى الشباب من انو هالاخو البثينة و ابن البوطي هلى على الارض يقوص
قام الشب نزل بدو ياخد البارودة منه
مشان مايقوص على رفئاته
قام الشباب حملوه للشب قبل مايوصل للبارودة وركدوا فيه بين الحارات
وحاليا الشب متحبي
س:أخر سؤال يعني سلاحن متل طيطكن؟وبدلة ماهر بتخ..ي ما بترعب و ما عم يردعو السكان؟؟؟
ج:لا
يعني وينك
اذا بيضربونا بالطيران مالنا خايفيين
و اذا منموت مع بعض بضربة مدفع هاد بيكون يوم المنى! المهم نكون عم نأذي النظام وكلابه…
—————-
دباح الشاغوري
ليلي حلس او بردت همتو او انقطع لانسو -الجزء الاول-
