رشا عمران – فيسبوك
—————————–
شاب من شباب طرطوس ، بمثاب ابن لي ، سألته عن وضع الجيش الحر أجابني بالتالي :
“خالتو رح قلك معلومات أكيدة
أنا من الناس اللي عم تاخدلن أكل للجيش الحر وعم نظبط معن بالمظاهرات
لما يعرفو اني علوي لا تتخيلي فرحتن وثقتن
بتتخيلي إنو غالبيتن مابيعرف انو في علوي معارض ومع هيك بيقلك لاللطائفية
ناس بسيطة فقيرة وعفوية
هدول هنن
رح قلك حادثة مؤكدة
بخان شيخون كان في ناس حاملة سلاح بس مدنيين وعاملين حالن جيش حر وبدن يدفعو الناس أتاوات بالاجباري مقابل حمايتن وبيمنعو الولاد يروحو عالمدارس
بيفوت الجيش الحر النظامي عالمدينة وبيلقطن لهدول وبيرفعن فلق بنص المدينة cassino online وبيرجع الولاد عالمدرسة وبيدفعو مصاري لمدير المدرسة منشان يستمر بشغلو
هدول هنن الجيش الحر
كتير بسطا
خالتو مو ذنبن إذا ما سمعو حدا غير سني معارض ولا حدا غير علوي موالي
لا تتخيلي ما أبسطن
حكى واحد منن معي منشان طلعلن أكل وكنت عم اتغدى وشي راجع من الشغل وطالع عمظاهرة
سألني شو متعمل قلتلو عم اتغدى وطالع لعندكن سألني شو عم تتغدى قلتلو زيت وملح وبصلة
قلي يا عرص
عندك زيت
خالتو صدقا ما معن ياكلو
طلعتلن ابريقين زيت
أوادم كتير عنجد”
