مي محمد
مشان الحرية
لأنو في مين بدو يقتلك أو يحطك بالسجن و يضربك و يشبح عليك لأنك بتخالفو بالرأي ؟؟
لأنو بشار مفكر حالو الله تبع سوريا؟؟
ليكك بدك تقتل المؤيدين و عم تشبح عالكل
العلماني بدك تدبحو و المتدين متخلف بدك تخرسو و السلمي انهزامي و المسلح مجرم
و كلهم أشة لفة ما بفهمو و إنت الوحيد اللي معو الحقيقة المطلقة
إنت الله تبع الثورة!!!
ثرت مشان ممارسات النظام بالسجون من تعذيب و تنكيل و إخفاء قسري
و مشان قتلو للناس الابرياء ؟؟
كلنا بنعرف إنو الجيش الحر عم يعمل هيك ليش عم تبررلو و تجرم غيرو!!!
و كلنا بنعرف انو في ناس انقتلت ظلم على إيدي ثوار و عناصر من الجيش الحر و كتار هالناس !!!
ثرت مشان الفساد و الواسطات و المحسوبية ؟؟!
ليش وقت عم تفوت بقصص المصاري و مساعدة العالم عم تزوغل النية و عاملي الثورة إلك و لرفقاتك و كأنكم عصابة!!!
ليش كل يوم بنسمع عن سرقة من فلان و تلاعب من علتان!!!
ثرت لأنو النظام بدو يمنعك تمارس دينك ؟؟
طيب و إنت صار بدك دولة الخلافة الاسلامية بسوريا اللي فيها مسيحي و صار بدك تساوي هاد السوري التاني من أهل الذمة و تمنعو يطبق دينو
ثرت لأنو النظام بنظرك طائفي و عم يميز بين السوريين ؟؟
بدك تبيد العلوية ما هيك؟
و بقية الطوائف مالها شي لأنها ما شاركت بالثورة
و بدك نظام سني يحكم البلد
بتعرف شو بخطر ع بالي ؟؟
أنو أديشك كذاب وقت تقول هي لله هي لله
لا سيدي هي مو ل الله
و لا لأنو بدك حرية و كرامة و محاسبة و هالبلد تصير أحسن و لا لأنك اتضايقت عالناس اللي ماتوا ولا لأنو في تمييز طائفي
إنت ثرت و بدك تبدل النظام الطائفي المجرم الفاسد بنظام تاني عفوا من القارئين “نفس الخرية بس غير لون ”
أبدا هي مو لله
و أكيد أكيد هي للسلطة و الجاه
