عشرات البراهين على أن بشار حق -الجزء الأول-

البرهان الأخلاقي:
1-فلان (س) من الناس هو معارض مشهور بس معروف عنو انو ابن حرام ومنحل أخلاقياً.
2-ومنه نستنتج أن بشار حق.

البرهان من التشكيك الشخصي:
1-إذا الثورة غلط، معناتا النظام صح، وإذا النظام صح معناتا بشار حق.
2-الثورة مستحيل تكون صح، لأني ما بمتلك المقدرة العقلية لأفهمها، بالتالي الثورة غلط. بالاضافة إلى انو إذا طلعت الثورة صح معناتا بدو يكون النظام غلط، وهادا شي بكركبني بصراحة.
3-ومنه نستنتج أن بشار حق

البرهان من التأمل:
1-لك شفلي هالعمار/أبراج الخلوي/الجناين والبط والوز/حاويات الزبالة.
2-بذمتك بوجدانك بضميرك في حدا عندو هيك حضارة وييتذمر؟
3-ومنه نستنتج أن بشار حق.

البرهان من الخوف:
1-إذا بشار مانو حق بدو يصير فوضى إذا نجحت الثورة.
2-هادا شي بخوفني.
3-ومنه نستنتج أن بشار حق.

البرهان من الدستور:
1-[نص اعتباطي من الدستور رقم 1]
2-[نص اعتباطي من الدستور رقم 2]
3-ومنه نستنتج أن بشار حق.

البرهان من النصوص الالهية:
1-[نص اعتباطي من القرآن]
2-[نص اعتباطي من الإنجيل]
3-[نص اعتباطي من مجلدات ميكي]
4-ومنه نستنتج أن بشار حق.

البرهان من الذكاء:
1-سماع عيني، هيئتك تيس ومخك سميك والحكي معك ما بجيب نتيجة. أنا أذكى منك بكتير وما في داعي ئلبح ئلبي وأنا عم فسر لواحد غبي متلك. بشار حق ان قلت إيه وان قلت لأ.
2-ومنه نستنتج أن بشار حق.

البرهان من قلة الذكاء:
1-طيب ماشي أخي ما ح أدعي اني بذكاك. واضح إنك قاري كتب وعندك معرفة جيدة ب هالمجال. بس يا أخي كل حججك–مع انها صحيحة ومنطقية–ما ح تقدر تقنعني انو بشار مانو حق.
2-ومنه نستنتج أن بشار حق.

البرهان الأنطلوجي أو الوجودي:
1-أنا هيك من راسي رح عرف الرئيس العظيم الخيلة الفلتة زمانو على إنه (س).
2-بشار = س.
3-ومنه نستنتج أن بشار حق.

البرهان من قلة الأصل:
1-لك ولادتك ب بلاش، وتعليمك ب بلاش، وطبابتك ب بلاش، وشغلك كمان ب بلاش.
2-لك تفه عليك ما بيلبقلك.
3-ومنه نستنتج أن بشار حق.

البرهان من التهديد:
1-شايف هالفرع المخابرات؟
2-ومنه نستنتج أن بشار حق.

البرهان التعليمي:
1-أنا هيك بالمدرسة قالولي.
2-ومنه نستنتج أن بشار حق.

البرهان الرأسمالي السوري:
1-لعمى إذا اقنعت العالم بأنو بشار حق بقبر الفقر.
2-ومنه نستنتج أن بشار حق.

البرهان من الأرقام:
1-ملايين من البشر مقتنعين بان بشار حق.
2-معقول يكونوا كلون غلطانين؟
3-ومنه نستنتج أن بشار حق.

برهان طالب إبراهيم (1):
1-بشار حق يا ولادين القحبة.
2-ومنه نستنتج أن بشار حق.

يتبع…

.